- Faqe të Krishtera Shqiptare            

Ne Besojmë - Kredoja Jonë

Lundrimi: Kryefaqja > Kush Jemi > Ne Besojmë - Kredoja Jonë

Ne Besojmë - Kredoja jonë, është një përmbledhje e shkurtër e bindjeve tona doktrinore si të Krishterë në lidhje me këtë projekt-shërbesë.

• Ne besojmë në Biblën si Fjala e frymëzuar e Perëndisë, e vetme, e padështueshme, dhe autoritare për besimtarët në besim dhe praktikë.
  
  

• Ne besojmë në një Perëndi të vetëm që ekziston përjetësisht në tre persona: Atin, Birin dhe Frymën e Shenjtë. Krijuesi i universit.
  
  

• Ne besojmë në hyjninë e Jezu Krishtit, në lindjen e Tij të virgjër, në jetën e Tij të pamëkatë, në mrekullitë e Tij, në vdekjen e Tij zëvendësuese dhe shpenguese (shpëtuese) nëpërmjet gjakut të Tij të derdhur, në ringjalljen e Tij trupore, në ngritjen e Tij në krahun e djathtë të Atit, dhe në kthimin e Tij përsëdyti me fuqi dhe lavdi.
  
  

• Ne besojmë që shpëtimi i çdo mëkatari të humbur vjen si rezultat i rigjenerimit të Frymës së Shenjtë mbas pranimit të hirit dhe besimit në Jezu Krishtin si Shpëtimtar dhe Zot.
  
  

• Ne besojmë në shërbesën e vazhdueshme të Frymës së Shenjtë nëpërmjet të cilës besimtari është në gjendje që të jetojë një jetë të perëndishme.
  
  

• Ne besojmë në ringjalljen e të shpëtuarve dhe të humburve në ditën e fundit – të shpëtuarit në ringjalljen e jetës dhe të humburit në ringjalljen e ndëshkimit.
  
  

• Ne besojmë në unitetin frymor dhe shpirtëror të besimtarëve kudo që janë si pjesë e trupit të Jezu Krishtit.
  

Shënim: 
Gjithashtu, "AlbKristian.com – Faqe të Krishtera Shqiptare" si projekt i shërbesës “Shqiptarët për Krishtin” është e përkushtuar ndaj shprehjes së besimit të Krishterë në përputhje me Besëlidhjen (Konventën) e Lozanës.

U ndryshua më: E Mërkurë, 9 Korrik, 2003.

(sola fide - sola gratia - sola Scriptura - soli Deo gloria)